Ang pag-aaral na ito ay isinagawa upang masuri at malaman ng ritwal sa pagpapakasal ng mga Subanen. Mula sa mga salaysay ng mga Timuay na namumuno sa tribu ng mga Subanen ng Barangay Manlin, Buug, Zamboanga Sibugay, natuklasan na ang Manlin ay kilala sa tawag na Manga na nangangahulug ang "basang bato" na napapakinabangan sa kanilang pang-araw-araw na pamumuhay. Ang mga tao rito ay payak ang uri ng pamumuhay na naaayon sa kanilang kaugalian, paniniwala at kulturang kinagisnan. May tatlong uri ng ritwal sa isinasapraktika pa hanggang sa kasalukuyan kagaya ng: daga, daga bhanwa at dagalupa. Ang pamamaraan ng pagsagawa ng ritwal ay ang paggamit ng dugo ng manok, dahon ng mga piling halaman sa kasalukuyan, isinasapraktika pa rin ng mga Subanen ang iilang pamamaraan ng pagpapakasal ngunit ang ibang katutubong ritwal ay unti-unti nang nalusaw. Ang implikasyon nito sa pagtuturo ng panitikan ay upang maipamulat sa mga mag-aaral at mambabasa na dapat pahalagahan, ipreserba, at igalang ang kultura ng mga Subanen bilang isang pangkat na namumuhay ng mapayapa